Португалецот ѝ дал зелено светло на управата на Јувентус за ангажирање на проблематичниот Аргентинец од лутиот ривал Интер.
Уште од зимата односите на Икарди со Интер се заладени, му ја одземаа капитенската лента, а ни новиот тренер Антонио Конте не успеа да го смири со управата на клубот.
Од претходно Аргентинецот се поврзуваше со Јувентус, но сега има зелено светло и од ѕвездата на „бјанконерите“, Кристијано Роналдо. Според La Gazzetta dello Sport, Португалецот ѝ рекол на управата дека го сака токму Мауро Икарди за партнер во нападот бидејќи Аргентинецот знае како да отвори простор во шестнаесетникот по што Роналдо би имал повеќе прилики за гол.
Јуве тргна по Ромелу Лукаку од Манчестер Јунајтед, но токму Роналдо е против тој трансфер бидејќи верува дека Белгиецот е солиден играч, но го смета Икарди за далеку подобар.
Доколку Икарди потпише за Јуве, „нераѕурите“ дерфинитивно ќе испратат подобра понуда токму за Лукаку кого веќе одамна го меркаат.