Секторот за внатрешни работи Скопје – Единица за недозволена трговија – Одделение за недозволена трговија со дрога, до надлежното Основно јавно обвинителство – Скопје поднесе кривична пријава против три лица.
При претрес на Ц.М.(19) од Скопје била пронајдена марихуана и СВР Скопје поднесе пријава против поради основано сомнение дека сторил кривично дело „неовластено производство и пуштање во промет наркотични дроги, психотропни супстанции и прекурзори“, предвидено и казниво по член 215 од Кривичниот законик.
Поднесена е кривична пријава и против 17-годишно лице од Скопје поради основано сомнение за истото кривично дело откако и кај него по пријава при претрес била пронајдена марихуана.
Кривична пријава доби и С.Џ.(37) од Скопје поради основано сомнение дека сторил кривично дело „неовластено производство и пуштање во промет наркотични дроги, психотропни супстанции и прекурзори“, откако при претрес на пријавениот бил пронајден кокаин.
