Лидерот на опозицијата во Венецуела Хуан Гуаидо доби забрана да врши јавна функција во наредните 15 години, најмногу што предвидува законот во земјата, соопшти државниот ревизор за финансии.
Ревизорот Елвис Аморосо изјави дека биле најдени недоследности во анкетниот лист за имотна и финансиска сотојба на Гуаидо, лидерот на Националното собрание под контрола на опозицијата, кој во јануари се самопрогласи за привремен претседател. Тој доби поддршка и е признаен од повеќе од 50 земји, вклучувајќи ги САД.
Одлуката за забрана за вршење на функција ќе стапи на сила ако реши да се кандидира за реизбор на крајот на актуелниот мандат во Националното собрание.
Гуаидо реагираше на соопштението на Аморосо и рече дека тој не е „главен ревизор“ во земјата.
Минатата недела беше уапсен шефот на кабинетот на Гуаидо, Роберто Мареро (49) по обвинение за „саботажа“.
Минстерот за внатрешни работи Нестор Реверол рече дека при претрес на домот на Мареро биле најдени „оружје и девизи“.