Топчето на голферот Брукс Кепка заврши во главата на девојка во публиката на националниот голф турнир Рајдер Куп во Гјанкур, во близина на Париз.
Уште не се знае колку е сериозна повредата, но на фотографиите од местото на настанот може да се види дека девојката има преврска на едното око и изгледа дезориентирано.
Веднаш откако Кепка сфати каде заврши неговото топче, се стрча кон публиката, видно вознемирен од инцидентот што се случи рано утрово и се распрашуваше за состојбата на девојката.
Пред инцидентот, Кепка се мачеше да фати ритам на теренот, а потоа му беше уште потешко да се концентрира.
Коментаторот на Sky Sports Рич Бим рече дека девојката има „страшна повреда“ и дека топчето ја удрило точно над десното око.
Кепка моментално е рангиран на второ место според официјалната светска листа на голфери.