Заедничкото богатство на рок легендите од групата „Квин“ го надмина богатството на британската кралица Елизабета Втора, по огромниот успех на филмот „Bohemian Rhapsody“ за бендот и неговиот фронтмен Фреди Меркјури.
Според листата Sunday Times Rich, членовите на „Квин“ ја засениле кралицата за речиси 100 милиони долари.
Тројцата живи членови на бендот – гитаристот Брајан Меј (71), тапанарот Роџер Тејлор (69) и басистот Џон Дикон (67) – лани заработиле по дополнителни 25 милиони фунти. Со тоа, нивното заедничко богатство достигна цифра од 445 милиони фунти.
Според Sunday Times, богатството на кралицата Елизабета Втора е проценето на 75 милиони фунти помалку, односно 370 милиони фунти.
Целосната листа на Sunday Times ќе биде објавена следната недела.
Финансискиот бум на членовите на групата „Квин“ се должи на успехот на филмот „Boheman Rhapsody“ што заработи речиси 1 милијарда долари само од продажба на киновлезници ширум светот.