Кошаркарот на Лос Анџелес Лејкерс, Леброн Џејмс, го продолжува својот поход за да биде меѓу најдобрите стрелци во историјата на НБА.
Тој ноќеска на средбата со Њу Орлеанс постигна 29 поени и стана четвртиот играч во историјата на најсилната светска кошаркарска лига кој стигнал до 33 илјади поени.
Повеќе поени од него имаат Карим Абдул-Џабар(38.387), Карл Мелоун(36.928) и Коби Брајант(33.643).
За да го стигне Коби Брајант потребни му се уште 636 поени. Со оглед на просекот од 25,6 поени по натпревар од оваа сезона, ќе му бидат потребни уште 25 натпревари што значи дека ќе стане третиот најдобар стрелец на сите времиња.
