Новогодишната турнеја Четири скокалници започнува традиционално со квалификациите во Оберстдорф на 28 декември, а потоа главното натпреварување ден подоцна.
Иако сме лишени да го гледаме јапонскиот скокач Нориаки Касаи, сепак на скокалниците ќе видиме една вистинска легенда.
Имено, швајцарската скијачка федерација го објави списокот на учесници на Новогодишната турнеја, а на него се наоѓа и Симон Аман.
На 43-годишна возраст, Аман ќе се натпреварува на својата 25-та Новогодишна турнеја, а негови колеги оваа сезона ќе бидат Грегор Дешванден, Килиан Пајер и Ремо Имоф, кој е роден пет години откако Аман првпат се натпреваруваше на Новогодишната турнеја.
Четирикратниот олимписки шампион од 2002 и 2010 година никогаш не го освоил ова престижно натпреварување, иако славеше во 2008 и 2013 година во Оберстдорф и во 2011 година во Гармиш-Партенкирхен.
По Оберстдорф, турнејата продолжува во Гармиш-Партенкирхен на 1 јануари, потоа Инсбрук на 3 јануари и Бишофсхофен на 6 јануари.
Минатата година триумфираше Норвежанецот Халвор Егнер Гранеруд, а годинава апсолутен фаворит е Австриецот Штефан Крафт, кој сезонава триумфираше во пет од осумте воведни натпреварувања.