Една деценија играше во НБА лигата, а сега оди во затвор на три и пол години, вака заврши легендата за кошаркарот Себастијан Телфер.
Поранешниот НБА играч е осуден поради незаконско поседување оружје, а со оглед на тоа дека станува збор за втор прекршок ќе мора да оди во затвор на три и пол години.
Во јануари 2017 година беше уапсен во текот на рутинска проверка на автомобилот. Полицијата тогаш пронајде автоматско оружје, муниција, панцир и марихуана.
„Ве молам, немојте да ми ја одземате слободата во овој момент. Имам 34 години и може да одам во Кина и таму да играм кошарка барем уште 6 години и на тој начин да го издржувам семејството“, изјави 34-годишниот Телфер во текот на сослушувањето во судницата.
Сепак, не успеа да го увери судијата дека местото му е на слобода, па три и пол години ќе мине зад решетки.
Телфер НБА кариерата ја започна во дресот на Портланд, па подоцна играше во Бостон, Минесота, ЛА Клиперс, Кливленд, Феникс, Торонто и Оклахома.