Иако сите надежи за настап во плејофот се загубени, составот на Лос Анџелес Лејкерс сепак нема целосно да се откаже од оваа сезона, барем не додека Леброн Џејмс е подготвен да игра. Синоќа тие ја прекинаа серијата од пет последователни порази со победа на гостувањето кај Чикаго Булс.
Лос Анџелес Лејкерс го порази тимот на Чикаго Булс со резултат 123:107.
Предводник во победата на Лејкерс беше Леброн Џејмс, кој натпреварот го заврши со 36 поени, 10 скока и 4 асистенции, притоа шутирајќи со 65% успешност од поле. Солидни беа и останатите играчи од стартната петорка, но разликата ја направи Кентавиус Колдвел-Поуп со неговите 24 поени од клупата.
По малку изненадувачки, најдобар стрелец во составот на Булс синоќа беше Робин Лопез, кој постигна 20 поени. Се почувствува отсуството на Зек Лавин, иако неговата замена во стартната петорка, Рајан Арчидиаконо, уфрли 14 поени и додаде 6 асистенции на неговото конто.
Останати резултати:
Индијана Пејсерс – Њујорк Никс 103:98
Филаделфија Севентисиксерс – Кливленд Кавалирс 106:99
Њу Орлеанс Пеликанс – Милвоки Бакс 113:130
Далас Маверикс – Сан Антонио Спарс 105:112
Денвер Нагетс – Минесота Тимбервулвс 133:107
Лос Анџелес Клиперс – Портланд Трејл Блејзерс 104:125