Македонија

Лекари на „Ѕидот на срамот“

19. јули 2012 - 16:23 | Макфакс

Лекари од примарното и секундарното здравство и јавни здравствени установи се објавени на „Ѕидот на срамот“ и им се раскинати договорите бидејќи не работеле совесно.

Имињата на лекарите се објавени на страницата на Фондот за здравствено осигурување и може да ги види секој.

Некои од лекарите издавале ретроградно боледување, фалсификувале потписи на осигурениците, работеле без медицинска сестра или лекар.

„Ѕидот на срамот нема за цел да ги навреди туку да ги опомене лекарите, бидејки согласно Законот за здравствено осигурување доколку лекарот повторно го направи истиот прекршок со второто раскинување на договорот ФЗОМ повеќе не склучува договор со таа здравствена установа. Затоа многу е важно посочените лекари повторно да не направат прекршок. Воедно информираме дека со лекарите во примарна здравствена заштита на кои им е раскинат договорот, по рок од месец дена по нивно барање веќе им е склучен нов договор и повторно работат како избран лекар“ се вели во соопштението.

Коментирај