Марко Роби е ѕвезда на два филма ова лето и тоа „The Legend of Tarzan“ и „Suicide Squad“. Токму од оваа причина, во своето најново издание, Vanity Fair го нарекоа ова лето, лето на Марго Роби.
Австралиската актерка се најде на насловната страница на августовското издание на магазинот, кој направи интервју и фотосесија со Роби. 26-годишната актерка, започнала да глуми уште во средно училиште, и набрзо доби шанса во познатата австралиска серија „Neighbours“ и за кратко време да стане позната личност во нејзината татковина Австралија.
Како и сите светски познати актери со потекло од Австралија, нејзината следна цел беше САД и Холивуд.
Нејзиниот прв ангажман во САД беше краткорочната серија „Pan An“, каде глумеше стујардеса, па мала улога во „About Time“, по што следеше улогата што и го смени животот за секогаш, во „The Wolf of Wall Street“.
Сега веќе е добро познато име во Холивуд, со улоги во два големи филма летово: „The Legend of Tarzan“, каде ќе ја глуми Џејн и „Suicide Squad“, каде ја портретира стрип негативката заљубена во Џокерот, Харли Квин - што потврдува дека Марго е новата холивудска ѕвезда на моментов.
Vanity Fair ја фотографираше Марго во летно издание, во лагуна на островот St. Barts.
