Баерн Минхен се спаси од пораз во Берлин, во рамките на 21 коло во Бундеслигата, во кое гостите запишаа две победи.
Роберт Левандовски во 96 минута го спаси шампионот од пораз на „Олимпискиот стадион“ во Берлин. Претходно Херта имаше водство од 21 минута кога Нојер го совлада Ведад Ибишевиќ.
Борусија Дортмунд запиша сигурна победа над Волфсбург и остана во трак за втората позиција на табелата. Брума во првото полувреме постигна авто голот, а во вториот дел победата на „милионерите“ ја потврдија Пишчек и Дембеле.
Инголштат успешно го мина гостувањето во Франкфурт победувајќи го Ајнтрахт со 2:0 со головите на Брегери и Грос од пенал. Двата тима мечот го завршија со фудбалер помалку на теренот.
Вердер лошата серија ја прекина во Мајнц, а до победата од 2:0 дојде за само седум минути. Гнабри го постигна првиот гол во 16, а Дилејни го постави конечниот резултат во 23 минута.
Хофенхајм ја задржа четвртата позиција на табелата со ист број на бодови како и Дортмунд, откако минимално славеше против Дармштата. Хрватскиот репрезентативец Крамариќ го постигна единствениот гол во 64 минута.