Сексуалното незадоволство е една од главните причини за прекин на врската или развод. Стресното и брзо живеење, работата и децата се само некои од причините кои доведуваат до опаѓање на квалитетот на сексуалниот живот меѓу партнерите.
Мажите и жените речиси еднакво грешат во сексот, но постојат начини на кои жените можат да го подобрат сексот со партнерот. Сексуалниот терапевт Чак Алтмикс ги советува жените како треба да се однесуваат доколку сакаат задоволителен сексуален однос со својот партнер.
1. Недостаток на сексуална комуникација
Мажите не знаат да читаат мисли. Ако имате скриени желби и фантазии, кажете му го тоа бидејќи тој не може да нагаѓа што се случува во вашата глава. Ако молчите и очекувате да ви ги исполни желбите спонтано, може да останете незадоволени и исфрустрирани. Затоа, јасно и гласно - кажете му што сакате.
2. Криење на сексуалната енергија
Жените се израснати да бидат пристојни девојчиња, девојки, жени. Меѓутоа, во сексот би требало да заборавите на домашното воспитание. Покажете му на партнерот дека можете да бидете и „злочести“ и да уживате во сексот со него. иницирајте секс, играјте си, експериментирајте со долниот веш, предложите необични секс пози... Мажите сакаат кога жените понекогаш ќе покажат иницијатива.
3. Очекување тој да размислува како жена
Повеќето жени го изедначуваат сексот со љубовните романси. Меѓутоа, на мажите не им треба романса за да имаат секс. Тие понекогаш сакаат чисто физичко задоволство без романтични вечери, посети на кино-сали и двочасовна предигра. Секако, ова не значи дека сексот секогаш би требало да изгледа така, но понекогаш дозволете му да ужива во она што го сака и на начин на кој го сака.
4. Одбивање на сексуалните различности
Не плашете се да пробате нови работи. Никогаш не би знаеле дали нешто е добро или лошо доколку не се обидете. Досадата во спалната соба разбијте ја со нови идеи. Немојте да се се изнервирате доколку ви предложи секс на отворено, во автомобил или во лифт. Не е крај на светот ако посака да бидете медицинска сестра, а тој пожарникар. Пробајте, можеби ќе ви се допадне.
5. Ставот дека тој е одговорен за вашиот оргазам
Многу жени мислат дека мажот е должен да ги доведе до оргазам. Навистина, за мажот нема подобра награда како кога на партнерката ќе и овозможи ултимативно задоволство, но тој не може тоа сам да го направи. Помогнете му, допирајте се, а не е забрането ни користењето на сексуални играчки. Дури и ако тој заврши пред вас, не мора да сопрете. Охрабрете го да ви помогне да дојдете до крајот.
6. Користењето на сексот како оружје
Ова е најлошата и најштетната работа која една жена може да ја направи. Одбивањето на сексот само затоа што партнерот не направил нешто како вие сте го замислиле тоа доведува до нарушување на односот, а можеби и до прекинување на врската. Никогаш не му викајте дека ќе му го ускратите сексот се додека не направи нешто што вие сакате.
7.Избегнување на помирувачки секс
Помирувачкиот секс им помага на партнерите во повторното меѓусебно зближување. Страста после караницата е на највисоко ниво, и ова треба да се искористи. Никогаш немојте да легнете во кревет дури не ги „расчистите“ работите. Подобро е да водите љубов, отколку војна.
8. Критичност према партнерот
За разлика од жените, мажите комуницираат подиректно. Жените кои често и со задоволство ги критикуваат партнерите всушност се плашат да бидат директни во комуникацијата. Воздржувањето ги доведува до тоа да понекогаш велат погрешни работи кои можат многу да го повредат нивниот човек. Мажот кој е премногу критизиран обично се повлекува и бега од интимноста. Ако не сакате ова Вам да ви се случи, обидете се да разговарате со него искрено и отворено, без вреѓање и критизирање.
9. Пренежен однос кон неговата машкост
Ова е честа грешка која ја прават многу жени. Со машкиот полов орган не морате да бидете пренежни. За разлика од жените, мажите сакаат цврст допир. Ако не сте сигурни за начинот на кој го допирате, слободно прашајте го за мислење. И нека не ве зачудува ниту еден одговор.
10. Оралниот секс како табу тема
Иако некои парови не преферираат орален секс, фактите велат дека мажите го обожаваат. Ако се разидувате во овие сфаќања, седнете и разговарајте. Откријте си меѓусебно што сакате, а што не. Оралниот секс може да ви овозможи обострано задоволство, но ако навистина не го сакате, објаснете му го тоа. Ако одбивате орален секс бидејќи не сте сигурни дека тоа добро го правите, замолете го да ви помогне со неколку совети. Вежбањето навистина доведува до совршенство.
