Ако се излажани, и мажите и жените тешко ќе преболат. Меѓутоа како грев над гревовите некој го смета емотивното, а некој сексуалното изневерување. Зошто е ова вака?
Се смета дека мажот сексуалната измама ја смета за најголем грев, бидејќи никогаш не може да биде сигурен дека детето е негово. А од друга страна, жените сметаат дека емоционалната измама е поголем грев бидејќи се загрижени дека нема да имаат маж покрај себе кој ќе им помогне во растењето на децата.
Едно истражување покажа дека мажите се чувствуваат повиновни после сексот со друга жена, додека жените осеќаат поголема вина ако се вљубат во некој друг маж.
Сепак, психологот Кенет Ливи тврди дека во неговото истражување мал број на мажи сепак ја навеле емоционалната измама како најголем грев, што го доведе до заклучокот дека се' зависи за тоа каков тип на маж и жена се во врска, и од каков тип им е врската.
Постојат личности кои се хипернезависни и ја ценат само својата независност како и оние кои ја ценат врската и се чувствуваат пријатно поради обостраната зависност.
После сите овие податоци и сознанија, Ливи смета дека личностите кои се склони кон „поопуштена“ поврзаност со партнерот или партнерката повеќе ги мачи сексуалното изневерување, а личностите кои се склони кон „посигурната“ поврзаност повеќе се оптоваруваат со емоционалната измама.
За да го тестира ова спознание Ливи со колегите направи истражување кое опфати 400 луѓе.
Секако, се покажа дека е во право, пренесува msnbc.
Б.И. | Кајгана
