Intimate Medicine
Ако имате врска со девојка која не им се допаѓа на вашите пријатели, тогаш тие се во состојба да направат се' што е во нивна моќ за да ве одалечат од неа. Најверојатно би ве наговарале да се ослободите од неа како знаете и умеете поради една од трите причини кои следат.
Љубомора
Со девојка сте за која пријателите претходно тврдеа дека е надвор од вашата “лига“. Среќа, бевте доволно разумни, па не се откажавте од девојката. Сега вие сте со неа, а тие не се - какво чувство на предавство и изиграност им раѓа тоа!
Единственото што им преостанува за да се чувствуваат подобро е да се преправаат дека таа воопшто не ги интересира и не го заслужува нивното внимание. Всушност, самиот факт дека таа е со вас, а не со нив укажува на тоа дека нешто не е во ред со неа. Во таков случај заблагодарете им се за подршката и “пријателството“.
Мислат дека е грда
Ова е очигледна споритвност од љубомората затоа што, според нивното мислење, таква девојка можете да најдете било кога и било каде, а тие не можат да поднесат што сте во врска со “грда вештерка“. Таа најверојатно ве маѓепсала затоа што во инаку сигурно немало да ја погледнете два пати. Значи, не само што е грда, туку е и манипулаторка. Немојте да се лутите, но овде се работи за ваше добро, а ако не мислите така тоа е ваш проблем.
Доколку ви пречи што така зборуваат, веројотно и вам ви е грда, но не се осмелувате да го признаете тоа. Сепак запомнете - ако нема взаемна физичка привлечност, ни врската нема смисла.
Се однесува лошо со вас
Вашите пријатели најверојатно нема да подржуваат девојка која со вас не постапува на правилен начин, или е целосно нефер. На пример, ако вашиот автомобил е во солидна возна состојба, тие нема да ви речат дека треба да го замените, но ако се расипува постојано и има потреба од скапи поправки, нормално дека ќе ви предложат да разгледате некои други модели.
Размислете добро, затоа што ве предупредуваат за нешто што може да се види од страна, нешто кое вие самите не го забележувате затоа што сте целосно инволвирани во ситуацијата. Кога седите на возачкото место може да ви се случи да не ги видите 'рѓосаните браници, а истото може да ви се случи и со девојките. Ако сака да ве промени затоа што не ве сака онаков каков што сте сега, тоа пријателите ќе го забележат многу побрзо од вас.
Што да направите?
Понекогаш самите себе се уверувате дека сте задоволни затоа што навистина сакате успешна врска во која нема никакви недостатоци. Но, ако сте несреќни во вашата врска, пријателите тоа први ќе го забележат, дури и ако ништо не им кажете. Да, не е убаво за себе да слушате такви нешта, но тоа е најверојатно знак дека не сте искрени кон самите себе.
Повеќе на intimatemedicine.com
