Играчот кој блескаше на Мундобаскетот се пресели во Европа, но не во Реал Мадрид, туку ќе игра за тимот на Олимпија.
Иако се најавуваше дека е во преговори со кралскиот клуб од Мадрид, на крајот Скола сепак отиде во градот на модата.
„Среќен сум што ќе имам можност да играм во Милано, во овој дел од мојата кариера тоа е и тоа како важно особено што ќе играм за стратег како Еторе Месина. Очекувам добро да се забавуваме“, изјави Скола во првото интервју како играч на Олимпија.
За 39-годишниот Аргентинец ова ќе биде единаесетти клуб во кариерата, но прв во Италија. Тој во Олимпија ќе го носи дресот со број 40, а толку години ќе полни на 30 април 2020 година. Се очекува да дебитира веќе во четврток во Евролигата против Баерн.