Рано утрово, во пресметка со автомобилска мафија во Сараево беа убиени двајца полицајци.
Откако наишле на украдено возило, бел Golf 6, полицајците не успеале ни да излезат од службеното возило, кога биле изрешетани со куршуми од мафијашите кои потоа побегнале со две возила, Range Rover и Golf 5.
На самото место починал полицаецот Адис Шеховиќ, а неговиот колега Давор Вујиновиќ околу пладне им подлегнал на повредите во болница.
Според локалната полиција, се работи за двајца искусни полицајци кои долги години работеле во полициската служба.
Службите соопштија дека „ќе превртат сѐ за да ги најдат сторителите“.
„Ова е гнасен чин бидејќи полицајците воопшто не излегле од автомобилот и не го употребиле оружјето. Возилото уште било во движење кога напаѓачите почнале да пукаат во нив“, изјави Адем Зољ, претседател на владата на кантонот Сараево.
Потрагата по напаѓачите е во тек.