Српскиот тенисер Новак Ѓоковиќ синоќа имаше пресврт во мечот против Талон Грикспур и се пласираше во четвртфиналето на Мастерсот во Париз, а на медицинската пауза по првиот сет беше снимен како зема одреден лек кој му го даде лекарот.
Набргу потоа испи и течност од шишето, која веќе подолго време предизвикува интерес во јавноста и за која самиот Новак зборуваше многу тајно. Целосната ситуација погледнете ја овде.
Имено, во една прилика тоа што го пие го опиша како „магичен пијалок“, додавајќи дека тоа му помага.
Сето ова е тема која љубителите на тенисот ја коментираат на социјалните мрежи по новиот успех на најдобриот светски тенисер.
Коментарите се особено остри бидејќи Ѓоковиќ добил лекарска помош кога го загуби првиот сет со 6:4.
Сепак, Новак потоа ги доби следните два сета (7:6, 6:4) и се пласираше во следната фаза на Мастерсот во Париз.
По натпреварот тој објасни како чувствувал болки во стомакот, дека веќе некое време се бори со вирус и дека во последните денови повеќе време поминувал во тоалет отколку на терен.
