Порталот Reader’s Digest состави листа на земји каде го нема синџирот ресторани за брза храна McDonald’s, наведувајќи во насловот дека брендот е всушност забранет во овие земји.
На листата се најде и Македонија, иако во објаснувањето зошто синџирот ресторани е затворен кај нас од 2013 година не се наведува никаква забрана, туку само извесно „недоразбирање меѓу македонската франшиза и европскиот главен извршен директор на McDonald’s, поради што дошло до губење на лиценцата“.
На листата „9 Countries That Have Banned McDonald’s“ се најде и Северна Кореја, за која порталот пишува дека „не изненадува фактот дека тоталитарниот режим не е наклонет кон американски бизниси, a McDonald’s не е исклучок“. Понатаму се наведува дека според извори на Telegraph, има шпекулации дека некои припадници на севернокорејската елита шверцуваат производи на McDonald’s од Јужна Кореја за лични потреби.
Листата ја заокружуваат Бермуда, Иран, Јемен, Црна Гора, Зимбабве, Боливија и Исланд.
