Вооружено и маскирано лице, синоќа околу 19,15 минути ја ограбило спортската обложувалница „Премиер“, лоцирана на улицата „Димитрије Туцовиќ“ во Куманово.
Напаѓачот со оружје влегол во обложувалницата и побарал од вработената Д.Б. (26) да му ги предаде парите од пазарот. Вработената му дала околу 85.000 денари по што избегал во непознат правец.
Екипи на СВР Куманово извршиле увид на местото на настанот и работат на целосно расчистување на случајот.
