До претпладнево се уште не се пристигнати резултатите од ДНК анализата од судска медицина за јагленисаното тело на маж што беше пронајдено во петокот над скопско Драчево, информриа денеска министерката за внатрешни работи Гордана Јанкулоска, по завршувањето на промоцијата на обуката за „Важноста на човечките ресурси за успешна организација со преглед“ во Идризово.
- Без оглед какви ќе бидат, резултатите ќе бидат многу внимателно разгледани и верувам дека ќе дадат нова насока доколку се поврзи идентитетот на лицето чии остатоци се пронадјени со идентитетот на кој било друг од исчезнатите лица за кои постојат потраги, изјави Јанкулоска.
Во врска со зголемување на капацитетот на системот на МВР за надминување на долгите чекања за издавањето на новите биометриски лични карти и пасоши, Јанкулоска потенцира дека МВР ги презема потребните чекори за надминување на проблемите кои се појавија со вадењето на новите лични документи. Таа подвлече дека веќе е подготвена информацијата со која ќе биде информирана Владата за можните решенија, по што ќе се одлучува за понатамошната најсоодветна постапка.
На новинарско прашање дали МВР ги има проверено обвинвуањата дека Јован Вранишковски од т.н. ПОА е странски шпион и дали е точно оти има добиено од битолската полиција дозвола за носење оружје, министерката Јанкулоска децидна дека МВР не би требало и не би смеело да се впушти во реплики на секоја политичка партија.
- Прашањата кои се од значење од безбедноста на Република Макеоднија се наша секојдневна работа и ние со нив се занимаваме во редовна процедура. Доколку оцениме дека има потреба да ја информираме јавноста кога станува збор за државната безбедност, тоа ќе биде направено, но не на база на прозивки на политички партии и меѓусебни обвинувања, рече Јанкулоска.
Таа не можеше да потврди дали Вранишковски поседува му е издаденa дозвола најавувајќи дека тоа дополнително може да се провери.
На барање на новинарите да ја коментира највата на министерот за правда Михајло Маневски за спроведување сопствена анкета меѓу судиите, амбасадорот Рикер потенцира дека напорите на САД како партнери на Макеdонија, е да помогнат во трансформацијата и развојот на институциите, вклучувајќи го и судството.
- Тоа е исклучително важно за да можат граѓаните да почувствуваат доверба во судството, но и за бизнисот, за развојот и за инвестициите тоа е важен сектор. Ќе продолжиме и натаму да работиме со македонските партнери за целосно достигнување на капацитетите на тие институции, рече американскиот амбасадор Рикер.
