Легендата на светската музика и филм, славниот француски шансониер Шарл Азнавур вечер во Кинотеката на Македонија ќе биде прогласен за почесен професор (doctor honoris causa) на Универзитетот за аудиовизуелни уметности ЕСРА Париз-Скопје-Њујорк.
На свеченоста ќе биде промовирано и ексклузивното издание на неговите песни „Интимна антологија“. Досега тие се преведни на голем број светски јазици, а кај нас првпат се препеани и преведни од Маргарита Терезијан-Маленкова и Лилјана Котевска-Плевнеш.
Беседа за творештвото на Азнавур ќе одржи ректорот на Универзитетот Јордан Плевнеш, а во музичкиот дел ќе настапат Зоран Џорлев и групата „Фолтин“.
Шарл Азнавур задутре во Античкиот театар во Охрид ќе го затвори вториот Фестивал на францускиот филм, кој ќе му врачи „Златна маска“ за животно дело.
