Ново признанние за најдобриот македонски судија Александар Ставрев кој доби покана од Грчката фудбалска федерација (ЕПО) да го суди дерби натпреварот помеѓу солунски Арис и атински Панатинаикос.
Во најдобрата грчка често натпреварите ги судат странски судии, а со цел зголемување на регуларноста. Овој пат ЕПО се одлучи за Александар Ставрев, за кого испрати покана до ФФМ.
Поканата е прифатена, па така в недела од 18:30 часот по македонско време на „Клеантис Викилидис“ стадионот во Солун копјата ќе ги вкрстат Арис и Панатинаикос под будното ако на Александар Ставрев и неговите помошници Гоце Петрески и Дејан Костадинов. Четвртиот судија ќе биде домашен, Христос Вергетис.
Во грчкиот фудбал сите дуели меѓу поголемите тимови од Солун и Атина се сметаат за дерби натпревари. Така, Арис, покрај локалното солунско дерби против ПАОК игра дерби натпревари и против клубовите од престолнината - АЕК, Олимпијакос и Панатинаикос.
На 7 кола до крајот Арис е петти во плеј-офот групата со 48 бодови и без шанси да оти нагоре или па падне на последното плеј-оф место, но затоа пак Панатинаикос како трет со 62 бода се бори да го стигне лидрерот ПАОК, кој има 66. Меѓу нив на 2. место е АЕК со 65 бода.
