Деветчлена делегација во која се и четворица натпреварувачи денеска замина за Јужна Кореја на Зимската олимпијада во младинска конкуренција.
Во периодот од 19 јануари до 1 февруари годинава во јужнокорејскиот град Гангвон ќе се одржи четвртото издание на Зимските младински олимписки игри. Македонија учествува во два спорта - биатлон и крос кантри
Во биатлон ќе се натпреваруваат Давид Торевски и Матеа Трајковска, а во крос кантри Андријана Кајевска и Благоја Најденоски.
Делегацијата ќе биде водена од шефот на мисијата, Владимир Богоевски, а знаменосци на свеченото отварање ќе бидат спортистите Кајевска и Торевски.