Претседателот на Франција, Емануел Макрон изјави дека Франција и САД би требало да се однесуваат едни кон други со почит. Тој истакна дека тоа им доликува на долготрајните сојузници.
Макрон се обрати на француската телевизија TF1, откако американскиот претседател Доналд Трамп го нападна на Twitter. Додаде дека биле сојузници низ историјата, но Франција никогаш не им била вазална држава на САД.
„Бевме сојузници во секој момент од нашата историја, така што почитта е нешто што доликува меѓу сојузниците“, изјави Макрон алудирајќи на помошта што Франција ја даде во текот на американската војна за независност и поддршката во двете светски војни.
„Мислам дека Французите не очекуваат од мене да одговорам на твитовите“, изјави тој. „Сметам дека си игра политика и го пуштам да си игра“, објасни Макрон.
Тој мисли дека Трамп се обраќал на домашната публика со твитовите, а не на Французите.