Бизнис

Мали почетоци за големи успеси: Брендот Vivax

19. декември 2016 - 10:01 |

Vivax е синоним за успех меѓу компаниите што произведуваат технологија за модерното време. Vivax своите почетоците ги започнува со само неколку производи, од Хрватска, во 2004 година, за по 12 години да прерасне во огромна и респектабилна компанија која создава и нуди квалитет со над 250 различни производи на пазарот.

Покрај големиот развој што го бележи компанијата, со својот квалитет и иновативност, истата почнува да ужива сè поголемата доверба кај потрошувачите. Vivax секојдневно е присутен на пазарот и сè повеќе се зголемува семејството на задоволни корисници. Лојалноста на потрошувачите и корисниците се должи на квалитетот на производите, за кои експертите од областа на технологијата велат, чекор по чекор, во догледна иднина би можел да го надмине и најголемите светски производители. 

Мисијата на Vivax е со едноставен дизајн, иновативна и квалитетна технологија за да се овозможи целосно и функционално опремување на домот. Следејќи ги глобалните текови и трендови, како и потребите на пазарот, широкиот асортиман и богатата лепеза од производи, овозможува осмислување и опремување на секоја просторија од животниот простор, како и уживање и рационално користење на слободното време. Ваквиот пристап кон производството и понудата на пазарот, го прави Vivax еден од брендовите што ги спојува можното и посакуваното, функционалното и рационалното. Vivax е компанија што гради и создава квалитет без компромис.

Vivax во Македонија започнува со функционирање на пазарот пред неколку години преку ПАКОМ Компани и најголем успех и увид во квалитетот на нивната технологија потрошувачите го препознаваат во нивните клима уреди. Сигурноста во понудата на Vivax во Македонија доаѓа од работата на ПАКОМ Компани кои секојдневно целат кон задоволување на потребите на своите клиенти. Vivax клима уредите од Cool линијата се истакнуваат по своите врвни карактеристики. Освен дизајнот што може да се вклопи во секој простор, тие се одликуваат со најновата технологија која овозможува напредна функционалност. Поради тоа што се дизајнирани за грижа кон природата, климите на Vivax се дел од најефикасните на пазарот. Една од иновативностите што се вклучени во овој производ е контролата на климата од паметниот телефон. Со ваквата функционалност се дозволува голема мобилност и комфор. Поради фактот што нивото на бучавата е многу значајно за корисниците, клима уредите на Vivax имаат напредна технологија што им дозволува на апаратите да работат на исклучително тивко ниво. Многуте видови од богатата понуда на клима уреди на Vivax можат да ја задоволат сечија потреба.

Друг сегмент од исклучителната линија на производи на Vivax кои се продаваат во Македонија се и нивните ЛЕД телевизори. Тие се целосно дизајнирани и се произведуваат во Хрватска. Телевизорите можат да се најдат во различни димензии од 15” до 65”. Овие производи на Vivax се со современ дизајн и модерна технологија која овозможува врвна функционалност и квалитет. Според неофицијални податоци од пазарот во Македонија, ЛЕД телевизорите на Vivax се едни од најиздржливите, истите поретко се расипуваат со што ги надминуваат конкурентските производи од најголемите светски производители. Телевизорите се произведуваат под контрола на хрватски професионалци што значи дека се следат врвни европски стандарди. Vivax ЛЕД Телевизорите се актрактивни, имаат пристапна цена, сервисна поддршка и гаранцијата за квалитет што ги прави одличен избор за сечиј дом.

Vivax е пример за компанија со зацртана цел да ги задоволи потребите на потрошувачите, а успехот од година во година е се поголем. Нивните производи можат да се најдат на бројни локации низ Македонија, а широката палета на производи со квалитет и функционалност гарантира задоволување на сечиј вкус.
За повеќе информации во однос на бројните производи на Vivax во Македонија може да се посети нивната официјална Фејсбук страна.

*Промотивен текст

Коментирај