Хроника

Малолетници уценувале 13-годишно девојче со компромитирачки фотографии

4. март 2019 - 16:23 | МИА

Поднесена е кривична пријава против 16-годишни момчиња од Кавадарци кои уценувале 13-годишно девојче со компромитирачки фотографии, со цел да се стекнат со материјална корист.

Надворешната канцеларија за криминалистички работи Кавадарци, соопшти дека е поднесена кривична пријава против двајца 16-годишници од Кавадарци поради постоење основи на сомнение за сторени кривични дела „оштетување и неовластено навлегување во компјутерски систем“ и ,,уцена“.

Во периодот од август 2018 до февруари 2019 пријавените, на нелегален начин одзеле фотографии од 13-годишно девојче.

После тоа, пријавените, со закана дека ќе објават компромитирачки фотографии го принудиле девојчето да им даде пари.

Коментирај