Малолетник од Скопје ја нападнал поранешната девојка со тупаници и нож додека била сама во својот дом на улица „Среќко Пужалка“ во Скопје.
Шеснаесетгодишното момче влегло во домот на девојчето, негова врсничка, на полноќ преку незаклучената врата и се обидувало да го убеди пак да бидат заедно.
Најпрвин и го искршил мобилниот телефон за да не може да повика полиција, а потоа седел речиси до 00.50 часот обидувајќи се да ја предомисли.
Девојчето се обидело да го оттурне од себе при што се здобила со две површински расекотини од нож на десната рака, а од ударите со тупаница и нанел и повреди на главата. Напаѓачот изреволтиран, со ножот оштетил телевизор, го искршил лаптопот и ја оштетил влезната врата, по што заминал од местото на настанот.
Веднаш потоа девојчето отишло на лекарски преглед во Ургентениот центар Скопје. По констатираните телесни повреди истата била пуштена на домашно лекување. Во 04.25 часот во ПС Гази Баба, заедно со нејзините родители, го пријавила случајот. Се преземаат мерки за целосно расчистување на случајот.
