Пред да се сретне со Марк Закерберг во октагонот, изгледа дека Маск прво ќе мора да ја убеди мајка си дека тоа е добра идеја.
Додека целиот свет чека да види кој е посилен, сопственикот на Facebook или сопственикот на Twitter, еден човек не сака да се случи тепачка во кафез. Токму Меј Маск, мајката на Илон Маск, сега се обидува да го одврати сина си од оваа идеја.
И покрај тоа што Марк Закерберг тренира џиуџицу и се натпреваруваше на некои турнири, сопственикот на компанијата Tesla е решен да се соочи со него во октагонот во Лас Вегас. Згора на тоа, според првиот човек на УФЦ, милијардерите се „ептен сериозни“ кога е во прашање оваа борба, а Маск не сака да се ограничи на одредена вештина, туку мечот да се одржи според правилата на ММА.
Но, во приказната се приклучи и мајката на Маск која на својот Twitter профил го изрази своето незадоволство од ваквата одлука. Меј налутено го советувала пријателот на Маск, Лекс Фридман, да не го „охрабрува“ нејзиниот син, а потоа предложила алтернатива: „Борете се со зборови. Секој добива три прашања - најсмешните одговори победуваат. Кој се согласува?“
И покрај незадоволството на мајка му, се чини дека Илон Маск многу сериозно ја сфатил оваа борба, бидејќи веќе почнал да тренира. Милијардерот веќе го посети Лекс Фридмен за да ја подобри својата техника, што познатиот водител на подкаст го објави на својот профил. Сепак, се чини дека Меј Маск успеа да го убеди пријателот на Илон дека борбата не е добра идеја, бидејќи Лекс покрај сликата напишал дека повеќе би сакал милијардерите „да тренираат боречки вештини, а не да се борат во кафез“.
