Манчестер Јунајтед постигнал вербален договор со Атлетико Мадрид за трансфер на францускиот репрезентативец Антонан Гризман, пишува британски Independent.
„Црвените ѓаволи“ многу сакаат да се засилат со напаѓачот, а според информациите, со Атлетико преговараат со месеци. Наводно францускиот напаѓач е расположен да се пресели на Олд Трафорд, каде што игра неговиот сонародник и пријател Пол Погба.
Шпекулациите се дека Гризман веќе ги договорил личните услови со Јунајтед, а Independent тврди дека со трансферот тој ќе стане еден од најплатените играчи во светот.
За да се реализира трансферот, Јунајтед ќе мора да ја активира клаузулата во договорот на Гризман која изнесува 100 милиони долари.
Најрано трансферот би се реализирал во текот на летото, бидејќи Атлетико во моментот е под казна за трансфери.
