Познатиот фудбалер Кристијано Роналдо има преку 200 милиони следбеници на социјалните мрежи, така што ја вработи Мариса Мендес да се грижи за неговите профили на Facebook и Twitter.
Мариса е ќерка на неговиот агент, Хорхе Мендес. Претходно медиумите за неа пишуваа дека е во врска со фудбалерот на Реал Мадрид, иако и двајцата истото го негираа. Сега, 31-годишната убавица е негов ПР менаџер, задолжена за одржување на социјалните профили на фудбалерот, пишува Goal.
Според пишувањето на британските медиуми, Мариса има диплома за маркетинг. Но, изгледа дека не ја започна работата на најдобар начин, судејќи според една од објавените фотографии на Роналдо со која ги налути будистите ширум светот. На фотографијата тој ја ставил ногата на споменикот на Буда, со што наводно искажал непочитување.
