Мароко ја пушти во функција својата плантажа за соларна енергија Noor 1 - eдна од најголемите соларни плантажи во светот. Плантажата е видлива од вселената и истата генерира до 160 мегавати електрична енергија.
Плантажата наречена Noor 1, е само првата фаза од планираниот проект на Мароко, за произведување на обновлива енергија што ќе ја користат граѓаните.
Наскоро истата ќе биде проширена, со Noor 2 и Noor 3, кои треба да бидат готови до 2018-та година. Вкупната површина на плантажата тогаш ќе се протега на нешто повеќе од 2.400 хектари.
Сега за сега, 650.000 граѓани користат струја од оваа плантажа, речиси 15 часа дневно - од зори па сè до три часа по стемнување. Комплетираната плантажа во 2018-та година, ќе овозможи користење на дури 20 часа обновлива енергија дневно.
