Скопје, 17 декември 2018 (МИА) – „Декриминилизација сега“ е мотото под кое денеска сексуалните работници во Скопје го оддржаа традиционалниот Марш на црвениот чадор во рамките на кампањата за одбележување на Меѓународниот ден за СТОП на насилството врз сексуалните работници, 17 декември.
На улица „Македонија“, сексуалните работници по десеттипат бараа заштита и подобрување на нивните права.
Како што појаснија организаторите, Граѓанската иницијатива за заштита, промоција и унапредување на правата на сексуалните работници СТАР-СТАР, главни цели на организацијата е промовирање на сексуалната работа.
