Радиодифузниот совет на Турција ги укина лиценците за 24 медиуми кои наводно се поврзани со опозициониот клерик Фетулах Ѓулен.
На вонредна седница на Радиодифузната агенција е донесена одлука за укинување на лиценцата и лишување на правото за емитување на телевизиите и радио станиците за кои е утврдено дека имаат врска со организацијата на Ѓулен, се наведува во соопштението од надзорниот медиумски орган на Турција.
Во земјата во тек е бран на апсења по неуспешниот воен удар, а бројот на уапсени се искачи до 10.000 луѓе.