Логото на Mastercard е едно од најпрепознатливите логоа во светот, а портокаловиот и црвен круг сега добија нов и освежен изглед. Како и кај многу други брендови, и кај нивното освежено лого преовладува минимализмот.
Место досегашното вкрстување на двата круга, тие сега се претопуваат еден во друг. Покрај тоа, големите букви со сенка зад нив, сега се смалени и се наоѓаат под круговите.
Освежувањето на брендингот е дело на агенцијата Pentagram, и е во трендот на корпоративните логоа во моментот - едноставни едно-димензионални форми и едноставни фонтови.
Новото лого исто така ја најавува и ориентацијата на компанијата кон платформите за онлајн плаќање и еволуирањето на финансиските сервиси и технологии.
