Маж ги уби сопругата и двете деца, по што се самоуби на железничка станица во северна Франција, пренесуваат француските медиуми. Децата биле на возраст од три и пет години.
Инцидентот се случил на железничката станица во градот Ноајон, во областа Оаз, во околу 11:30 часот, додека жената и децата ги испраќал семеен пријател.
Во тој момент, две лица почнале во нив да пукаат од огнени оружја, пренесе „Паризјен“.
Еден од напаѓачите, татко на двете деца, потоа извршил самоубиство, додека другиот напаѓач побегнал и полицијата трага по него, наведува „Фигаро“, повикувајќи се на извори блиски на истрагата.
Станицата е блокирана од полицијата, каде се распоредени вооружени полицајци, додека хеликоптер ја надлетува зоната. Не се знае причината за ужасната трагедија, во тек е истрага за инцидентот.
