Вашата дневна рутина за шминкање на усните штотуку стана послатка и посјајна благодарение на новиот тренд за шминкање на усните што инфлуенсерките за убавина на TikTok продолжуваат да го разгоруваат.
По latte шминката, прекрасната шминка во кафени и бронзени нијанси кои го преплавија TikTok во текот на летните месеци, сега е време за нов тренд инспириран од прекрасната златна боја на медот, како и самата природна состојка.
Иако медот буквално не се користи како дел од оваа рутина за шминка и нега на усните, постојат многу производи кои ја содржат оваа хранлива природна состојка. Клучните производи за постигнување на овој изглед се светкава, златна сенка за очи и сјаен меден сјај. Овој трик им дава на усните прекрасен, целосен сјај што додава топлина на секој мејкап изглед во кој ќе решиме да го вклучиме.
Првиот чекор до „медени усни“ е добар пилинг кој содржи мед и ќе ги направи вашите усни сјајни и меки и совршена основа за остатокот од вашиот изглед.
Мала количина златна сенка за очи или хајлајтер се додава во центарот на долната усна, како и на лакот на горната усна. По додавањето сјај, усните можеме да ги дефинираме со молив за усни во неутрална розова или кафена нијанса која одговара на бојата на нашите усни, но и со малку потемна нијанса доколку сакаме повеќе да ги истакнеме. Како последен чекор, тука е нанесувањето на масло или сјај за усни, со што усните ќе изгледаат како да сме ги премачкале со мед.
@evalarosaxo this is perfect for summer🌞 #liphacks #lipsmakeup #makeuptutorial #makeup #honeylips ♬ Billie bossa nova X west coast lostten4ever - ved
