Останати спортови

Мекгрегор издржа цели девет дена во „пензија“

4. април 2019 - 10:01 | МИА/КАЈГАНА

Поранешниот УФЦ шампион Конор Мекгрегор, го најави своето враќање во спортот само девет дена откако го објави своето пензионирање.

– Сакам да продолжам понатаму, заедно со љубителите на различни религии и националности. Сите религии нѐ учат да сме посветени. Имаме еден свет и тој е за сите. Се гледаме во октагонот, напиша Мекгрегор наTwitter.

Ирскиот професионален УФЦ борец има 25 борби во ММА на кои забележал 21 победа. Неговата последна борба беше на 6 октомври 2018 година против рускиот борец  Хабиб Нурмагомедов.

Мекгрегор го изгуби тој дуел и остана без титулата во УФЦ лесна категорија.

Коментирај