Германскиот производител на автомобили Mercedes денеска во Париз го престави ново концепт возило, електричен SUV што најавува нова линија на електрични автомобили од компанијата.
Новата линија е наречена Generation EQ и овој моќен футуристички SUV е прв концепт автомобил од истата.
Generation EQ има два електрични мотори што може да произведат 300kW и едно полнење да трае околу 500 km. Литиумската батерија е сместена на подот на возилата, а производител на истата е Deutsche ACCUMOTIVE. Автомобилот подигнува од 0 до 100 за само 5 секунди.
Екстериерот, но и ентерерот на SUV-то е очигледно футуристички и инспириран од научната фантастика. На воланот има вградено контроли чувствителни на допир, неколку TFT HD екрани, а низ целиот ентериер има LED светла што ќе го направат возењето уште по футуристичко.
И Volkswagen претходно претстави електричен автомобил на парискиот саем, со достапна цена.
Се чини дека иднината на автoмобилската индустрија се електричните автомобили - благодарение на револуционерните автомобили на Tesla, денеска полека, но сигурно станува дел од реалноста.