Аргентинскиот фудбалер Лионел Меси наводно го купил вториот најскапиот автомобил во светот продаден на аукција, пишуваат светските медиуми. Автомобилот Ferrari 335 S Spider Scaglietti беше продаден на аукција за 32 милиони евра, а купувачот тогаш остана анонимен. Сепак, по информациите што се појавија подоцна, најверојатно купувачот е најдобриот фудбалер на светот за 2015 година.
Во соопштението се додеава дека за овој автомобил бил заинтересиран и Кристијано Роналдо, најголемиот ривал на Меси и член на Реал Мадрид. Сепак, аргентинската ѕвезда била по упорна во намерата и на крајот го купил автомобилот што Стерлинг Мос го возел на натпреварот за Големата награда на Куба во 1958 година.
Почетната цена била 20 милиона, но пораснала се до 32 милиони евра со што овој Ferrari 335 S Spider Scaglietti од 1957 година стана вториот најскап автомобил продаден на аукција. Првиот е исто така Ferrari, но е 250 GTO од 1962 година, кој во 2014 година беше продаден за 38,1 милиони евра.
Сепак, извори од Барселона ги демантираат информациите дека тој стои зад рекордната понуда. Инаку организаторот на аукцијата, Алесандро Прото е италијански мултимилионер кој е во центар на вниманието последните неколку години бидејќи се спомнува дека е инспирација за ликот на Кристијан Греј од Fifty Shades of Grey. Мартин Скорсезе за него го снима филмот Manipulator.