Аргентинскиот фудбалер Лионел Меси одигра уште еден фантастичен меч за Барселона во победата против Виљадолида со резултат од 5:1.
Во новиот триумф на домашен терен тој постигна два погодоци за својот тим на кои додаде и две асистенции.
Во 34-тата минута Меси постигна прекрасен гол од слободен удар, а веднаш откако Аргентинецот се запиша на листата на стрелци, Барса на својот Twitter профил објави дека тоа бил 50-тиот јубилеен гол од слободен удар за легендарниот Меси.
Меси има постигнато 44 гола од слободен удар за Барселона и уште шест во дресот на Аргентина.
Барса со синоќешната победа изби на чело на Ла Лига со 22 освоени бода, два повеќе од Гранада и од Атлетико Мадрид, а четири повеќе од Реал Мадрид кој има и натпревар помалку.