Аргентинскиот селектор Лионел Скалони го објави списокот со 23 играчи за претстојната Копа Америка, на во него не се најде напаѓачот на Интер Мауро Икради, што секако привлече внимание во светските спортски медиуми.
„Сметаме дека ова се моментално најдобрите играчи за репрезентацијата на Аргентина и настапот на Копа Америка е од голема важност за нашиот тим. Секогаш постојат дилеми кога на располагање имате голем број квалитетни играчи и тешко е да ги повикате сите, но конечната одлука е за доброто на тимот“, рече Скалони.
Аргентина е без освоен трофеј на Копа Америка од 1993 година, а во групната фаза ќе игра против Колумбија, Парагвај и Катар.
Заборавен во списокот за репрезентацијата е Мауро Икарди, што е можеби најголемото изненадување, а повик не доби ни резервниот голман на Манчестер Јунајтед, Ромеро.
Составот на аргентинската репрезентација е следен:
Голмани: Андрада (Бока), Армани (Ривер) и Маркесин (Америка)
Одбрана: Серавиа (Рејсинг), Фојт (Тотенхем), Отаменди (Манчестер Сити), Пецела (Фиорентина), Фунес Мори (Вилјареал), Таљафико (Ајакс), Каско (Ривер) и Акуња (Спортинг).
Играчи за врска: Паласиос (Ривер), Гидо Родригез (Америка), Паредес (ПСЖ), Ло Селсо (Бетис), Перејра (Ватфорд), Де Паул (Удинезе) и Ди Марија (ПСЖ).
Напаѓачи: Меси (Барселона), Агуеро (Манчестер Сити), Лаутаро (Интер), Матијас Суарез (Ривер) и Дибала (Јувентус).
Првиот меч на репрезентацијата на Аргентина е на 20 јуни против Парагвај.