Огорчен од судењето на мечот против домаќинот Бразил, по поразот од 2:0 во полуфиналето на Копа Америка, капитенот на Аргентина и еден од најдобрите фудбалери на светот, Лионел Меси, не можеше да остане без зборови.
Според него, за испаѓањето на Аргентина се виновни судиите и семоќноста на Бразил во Јужноамериканската фудбалска конфедерација CONMEBOL.
Аргентина бараше два пенала, но еквадорскиот судија Роди Замбрано не само што не ги досуди, туку и не се консултираше со ВАР по стартовите на Алвес и Артуро врз Агуеро, односно Отаменди.
Спорните ситуации може да ги погледнете ОВДЕ и ОВДЕ.
Меси е бесен поради тоа: „На оваа Копа Америка се бараше ВАР за секое сра*е, а во две ситуации кога требаше да биде пенал за нас, го немаше никаде. Неверојатно! Се надевам дека CONMEBOL ќе направи нешто за да се смени тоа, ама мислам дека тоа нема да се случи бидејќи Бразилците држат сѐ во свои раце и не смееше да се случи да испаднат.“
На новинарско прашање подоцна повтори: „Имаше чисти два пенала за нас што не беа досудени.“