Откако англиските медиуми објавија дека Манчестер Сити на Барселона ѝ понудил 120 милиони евра за Лионел Меси, Англичаните го прашале Аргентинецот дали тој навистина ќе пристигне во Премиер лигата.
„Не знам. Барселона ми пружи сè и ќе останам таму додека ме сакаат. Англиското првенство е напорно и потребно е време за прилагодување“, одговорил Меси и го поддржал својот поранешен тренер.
„Гледам дека Гвардиола има проблеми, но не се сомневам дека ќе оствари големи резултати. Од секој тренер научив нешто, но најзначаен е Франк Рајкард. Тој прв ми пружи шанса и постојано ми повторуваше дека верува во мене“, рекол 29-годишниот Аргентинец.
Во интервју за Coach Magazine, Меси рекол дека во кариерата најмногу му помогнал Сеск Фабрегас, а дека покрај Марадона, најмногу сакал да го гледа Пабло Аимар.
„Често ги користев неговите потези, уживав кога го гледав“.
Меси проговорил и за големото ривалство со Кристијано Роналдо.
„Мојата мотивација произлегува од тоа што сакам да постигнам што е можно подобри резултати со Барселона и Аргентина, а не да бидам подобар од него. Кристијано е фантастичен фудбалер и сè постигнал со напорна работа. Успеал бидејќи е таква личност. Го почитувам и убеден сум дека и тој ме почитува мене“, рекол Меси.
