Пред вчерашниот распродаден концерт во Букурешт американскиот бенд донирал средства на романско здружение кое ја гради првата детска онколошка болница во земјата.
Фондацијата Dăruiește Viață (Дарувај живот) објави на својата facebook страница за донацијата која била направена преку All Within My Hands непрофитабилната фондација на самиот бенд.
Dăruiește Viață е основана во 2012 година, а лани започна со изградба на болницата во Букурешт која се чекува да заврши идната година. Покрај Металика, до сега донирале повеќе од 260 илјади поединци и скоро две илјади компании.
Романија важи за најнеразвиена од сите членки на ЕУ токму поради слабата инфраструктура, но и големата корупција во адмистрацијата. Владата на земјата веќе неколку пати ја одложува изградбата на три болници за кои ЕУ веќе распредели средства.
