Актуелната Мис Венецуела, Ариана Виера, загина во сообраќајна несреќа во Орландо, Флорида.
Оваа 26-годишна убавица требаше да ја претставува својата земја на изборот за Мис Латинска Америка 2023 во Доминиканската Република во октомври, но за жал загина, откри нејзината мајка за локалните медиуми.
Мајката изјавила дека нејзината ќерка заспала додека возела од замор и удрила во автомобилот пред неа. Како што вели, брзата помош пристигнала брзо и болничарите два пати ја реанимирале Ариана, но за жал таа починала на пат кон болница.
„Ја оживеале, а потоа имала срцев удар. Повторно ја оживеале, но почина додека ја носеа на трауматологија“, пренесува The Sun.
Она што најмногу шокираше многумина е нејзиното видео од пред само неколку месеци во кое таа изгледа како да ја предвидува својата смрт.
„Се снимам за идниот погреб бидејќи секогаш сум јас на видеата, никој друг не го прави тоа“, напиша таа во описот на чудното видео што го објави на социјалните мрежи.
Локалните медиуми наведуваат и дека таткото на мисицата, кој живее во Перу, се обидел навреме да добие виза за погребот на неговата ќерка, но документот наводно му бил издаден дури еден ден подоцна.
