Дали сте подготвени за уште една авантура на режисерот Тим Бартон? И сакате да научите нешто повеќе за тајниот остров на еден напуштен дом? Дали сакате да погледнете прекрасна имагинација од која ќе ви дојдат морници во 'рбетот? Тогаш мора да го погледнете филмот „Домот за необични деца на госпоѓица Перегрин“ („Miss Peregrine's Home for Peculiar Children“).
Оваа есен во кината ни доаѓа филмот на познатиот режисер Тим Бартон – „Домот за необични деца на госпоѓица Перегрин“.
Приказната го следи шеснаесетгодишниот Џејков чиј живот тече сосема мирно се до страшната смрт на дедо му која се случила под сомнителни околности. Џејкоб добива мистериозно писмо кое го одведува на велшкиот остров и домот на госпоѓицата Перегрин за необични деца.
Режисер на филмот е легендарниот Тим Бартон, а сценариото базирано на истоимениот роман на Рансом Ригс го напиша Џејн Голдман. Улогата на госпоѓица Перегрин ја толкува Ева Грин, а во останатите улоги се појавуваат Семјуел Л. Џексон, Аса Ватерфилд, Џуди Денч и многу други.
Филмот доаѓа во домашните кина на 29 септември.