Mitsubishi објави тизер за претстојниот компактен SUV модел кој треба да биде промовиран на автомобилскиот саем во Женева.
Тизерот има многу сличности со концептот XR-PHEV кој беше претставен пред три години. Она што е интересно е дека серискиот модел ќе остане многу сличен со концептот и ќе ги задржи острите линии и заоблената линија на покривот што му даваат атрактивен изглед на coupe SUV.
На предната страна се гледаат елегантни тенки светла, додека на задната има футуристички светла со остри линии.
Внатрешнсота на автомобилот се уште не е откриена, но се појавија шпионски фотографии од прототипот. SUV моделот може да го добие името Eclipse, што компанијата го напушти во 2011 година, по четири генерации од спортскиот модел.
Премиерата ќе биде за време на автомобилскиот саем во Женева, а продажбата на овој модел треба да стартува во втората половина на годината.
