На пазарот за мобилки во последно време не им цветаат ружи и токму од тие причини во Мicrosoft се одлучија за некои радикални чекори - за промоција на новиот оперативен систем ќе вложaт една милијарда долари.
Уделот од само 8,7% кој Microsoft го држи на пазарот за мобилни оперативни системи ја тера компанијата за повлекување на одредени бизнис потези. Според некои шпекулации, таборот на Microsoft би можел да се одлучи дури и за купување на компаниите Palm или дури Research in Motion, иако ова е малку веројатно.
Наместо тоа, Microsoft за промоција на новиот ОС ќе вложи дури една милијарда долари, а значајна сума ќе биде вложена и во развојот на самиот систем.
Ова не е невообичаен потег од Microsoft со оглед на тоа дека компанијата се послужи со слична маркетинг стратегија при промоцијата на Xbox 360 и Windows 7, но останува да се види дали ќе биде успешна.
Моментално на овој пазар владее Symbian (46,9%), а го следат RIM (19,9%) и Apple (14,4%).
Б.И. | Кајгана
