Фудбалерите на Реал Мадрид го освоија шпанскиот Суперкуп откако синоќа во финалето во Ријад пред 24.000 гледачи на „КСУ“ стадионот ја совладаа Барселона со 4:1.
За Реал од 81. минута настапи Лука Модриќ влегувајќи во игра на местото на Тони Крос. Капитенот на хрватската репрезентација го освои својот трофеј број 24 во дресот на кралскиот клуб, со што се наоѓа на второто место на вечната листа на трофеи во историјата на Реал Мадрид.
Имено, Модриќ и Начо Фернандес имаат освоено по 24 титули во дресот на Реал Мадрид и со тоа го делат второто место, а со уште една освоена титула би го делеле првото место со актуелните рекордери Карим Бензема и Марсело, кои имаат по 25.
Со оглед на тоа што Бензела и Марсењло повеќе не се во Реал, Модриќ ои Начо доколку освојат уште две титули ќе имаат 26 и ќе станат лидери на оваа вечна листа.
Модриќ има освоено 3 шпански титули, 2 Купа на кралот, 5 шпански Суперкупа, 5 Лига на шампиони, 4 европски Суперкупа и 5 Светски клупски првенства во дресот на Реал од 2012 година до денес.
